Transcription
1
Reçue à Grenoble, le 19 mars 1573. Répondue.
2
Monseigneur, ce matin dix cestiesme de mars, à environ midy,
3
messieurs nous consulz ont receu une lettre des consulz de
4
Guilhestre, de laquelle vous envoie coppie, pour ordonner
5
comment je men doibz gouverner avec cy peu de nombre dhomes
6
dans ceste place qui est de grand garde et aussi à la ville,
7
quart ceulx qui y sont establis en garde pour ce que jay doublé
8
des gardes ce randent fort plainctifz et sil estoit votre
9
bon plaizir de escripre ung mout à nouz aidés de nouz
10
seconder de quelques nombre dhomes pour quelques jours pour obvier
11
à ses entreprinzes ; me semble, saufz correction votre, que lon y
12
pourra avoir plus grand assurance et men fère bailher quelques
13
ungz pour la garde du chasteau, car de changer chesque jour
14
non y a poinct dassurance. Ayant aultres novelles qui meritent
15
vous escripre, ne ferey faulte vous en advertir. En attendant votre
16
responce, ferey fin à la presante, après vous avoyr presanté
17
mes très humbles et affectionnez recommandations daussi bon ceur
18
que je prie Dieu,
19
Monseigneur, vous tenir en santé et longue vie. De Briançon, ce
20
dix septiesme mars 1573
21
votre très humble et très obeissant
22
serviteur à vous obeyr
23
Marc